蔡楓華失言惹不滿
回歸樂壇的蔡楓華（Ken），在老友孫敬安、盧敏儀夫婦鼎力支持下，終如願再踏舞台舉行演唱會，但自信爆棚的阿Ken，在演唱會上多番「豪語」失言，令主辦商大感不快。
孫敬安跟盧敏儀為完成蔡楓華多年心願，親力親為出錢為他籌備演唱會，令阿Ken得以重出樂壇在九展Star Hall舉行一連三場演唱會，個唱座無虛席。早前，阿Ken已發表過指有人虛偽及喧賓奪主等言論。及至在第一和第二場演唱會上，他又再發表言論，多番表示今次非為錢而唱，而是為尊嚴、地位及為紅館鋪路而唱，更強調主辦商賺大錢，令人懷疑他沒有歌酬，盛傳他的一番話令主辦商不滿，大感不是味兒。
孫敬安直認難受
就傳言本報向主辦商負責人孫敬安求證，他說：「蔡楓華咁講，我哋確實係有少少難受，因為佢第一晚咁講，第二晚又再係咁講，我驚人哋真係誤會我冇畀歌酬佢，或者刻薄佢就唔係咁好。」孫敬安坦言有澄清必要，今次幫阿Ken搞演唱會，對方不但有歌酬，甚至有分紅，孫敬安說：「我哋早就預付咗幾十萬全數歌酬畀佢，分紅因為未埋數未計，唔係佢咁大口氣話唔係為錢為尊嚴而唱。」
第三場歌酬1.5倍
為免令人誤會，孫敬安更直言由頭到尾，沒有跟蔡楓華講價，他說：「佢要幾多我就畀，第三場嘅歌酬仲加咗百分之五十畀佢添。」談到蔡楓華恨在紅館開演唱會，他會否繼續幫對方償心願？孫敬安淡然說：「到時再算，佢唔係話搵大少（林建名）搞咩。」
文：音樂組