潘迪華封哥哥絕世名伶

4月1日是已故巨星張國榮（哥哥）的8周年死忌，當年哥哥的經典電影《阿飛正傳》昨晚舉行20周年電影珍藏展，請到有份演出的潘迪華出席，她感慨說：「10年前喺台灣做訪問，報道用『絕世名伶』形容我，自己內心好激動，呢四個字唔簡單，除咗聲色藝俱全，仲要獨特、優雅、氣派，不期然諗到哥哥實至名歸，呢啲咁完美藝人百年難得一見。」

潘迪華指哥哥的一舉一動都值得懷念，大讚他唱歌做戲都是難得藝人：「雖然唔可以話佢only one，但我心目中係咁諗。」現場設義賣海報，扣除開支捐香港兒童癌病基金及日本紅十字會；而為紀念哥哥離世8周年，分別有紀念音樂會、分享會、星光大道圖片展等悼念活動，讓哥迷懷念一代偶像。

潘迪華出席張國榮電影珍藏展，憶起往事不勝感慨。
  • 潘迪華出席張國榮電影珍藏展，憶起往事不勝感慨。