諸葛梓岐畀男友魔術指冧掂
諸葛梓岐（Marie）、高海寧及趙頌茹（阿Yu）等前晚錄影《魔法擂台》，主持森美笑言好艷福，更作狀逗Marie面珠，反被對方摸下巴說「Un咕咕」，場面搞笑！
Marie表示男友薛嘉麟會玩低能手指魔術氹她開心，問到求婚時有否變魔術？她說：「冇！係喺純潔環境下，做咗白馬王子應該做嘅嘢！（感動？）冇喎！我仲笑佢咁正經做咩！」她表示因工作延遲婚期，希望明年春天可完成，幸得未來奶奶體諒。提到拖男友欣賞張智霖演唱會時被袁詠儀嗌做老闆娘，Marie笑說：「佢講笑啫！叫番我Marie就OK！」
阿Yu則表示會用回原名趙頌茹免卻混亂，提到日本輻射問題，她即大感煩惱：「煩緊BB嘅奶粉同尿片，好在奶粉就之前入咗幾箱！」