Bambi自爆飯局價十萬 Iris為證魅力：都想試下
近日o靚模被邀出席富豪飯局的傳聞不絕於耳，o靚模梁雅淳（Bambi）昨日出席活動時自爆曾收過六位數字陪食飯的邀請，「爆E超蓮」鍾永慧Iris雖然未收過電話，卻語出驚人表示：「都想試下！」
二人昨日與梁詠茜（Lillian）及男模Sam Sha在尖沙咀及旺角宣傳春夏時裝，四人在透視巡遊車上投入跳舞，其中在旺角表演時三女大玩純情look，以白恤衫加黑tube上陣，大騷事業線，吸引一班龍友喪影！其中Lillian更high到尖叫，成功搶鏡。
齊撐DaDa清白
日前網上傳出有C字頭名字的o靚模曾在夜總會工作，「百果園咪神」陳靜（DaDa）成為嫌疑人之一。與DaDa分屬同門的三女亦有睇有關報道，但堅信DaDa是清白，Lillian說：「人紅就多人講，多人寫。」最近不時傳出o靚模出席飯局的新聞，問到有冇收過電話，Bambi直認不諱：「收過Model朋友嘅電話，話有朋友嘅朋友問有冇興趣食飯，開價有五、六位數字，我覺得好古怪，好驚。facebook都收過呢啲訊息。」Iris自言從來冇收過電話，卻大膽表示：「都想試下收呢啲電話，唔通自己唔吸引，唔想同我食飯？」而Lillian則表示知道身邊朋友曾收過電話。
文：專案組