鄭嘉穎搬屋換車唔認霉
鄭嘉穎早前被雜誌傳換車換樓為洗霉氣，前晚他與蒙嘉慧及劇集《Only You只有您》台前幕後到酒店食飯，嘉穎對洗霉氣報道甚為不悅：「點解要講我霉呢？搬屋換車好正常，同埋已經係上年嘅事，依家先報道。（有傳係瘟女屋？）鍾意講咩就講咩啦，都慣咗。但唔明點解近排有咁多新聞都仲要寫我。（因為之前同內地女藝人傳緋聞？）唔係，唔好再搵舊聞嚟講。」對於早前無綫藝人新官方相未有他的出現，他表示：「影相時我唔喺香港，如果無影相就覺得係得罪人，咁樣好膚淺。」
五月將會以部頭形式為無綫拍劇的蒙嘉慧，透露想看看外面的世界，返大陸拍劇。問她男友鄭伊健是否支持？她說：「佢都係咁嘅形式做咗好耐。（唔驚佢同內地女星傳緋聞？）佢返咗咁耐都冇事，大家唔好再講，林峯已經好慘。」