阿Sa撐林峯 遇人不淑
曾與林峯合作兼相熟的藝人對其床照外洩有不同回應，楊千嬅昨出席活動時一臉不知情，問她林峯是否「溝女王」，千嬅即謂：「同佢識咗好多年，每次見佢都來去匆匆，咁大個仔係時候成家立室！係真嘅佢會帶出嚟食飯介紹，（咁有冇介紹過？）咁又冇！」合作過《翡翠明珠》的蔡卓妍（阿Sa）坦言覺得潘霜霜出賣林峯：「人心叵測呀！佢遇人不淑嘞！我都想安慰林峯，但我見到佢都講唔出口，反而佢同我講『明o架嘞』（自己影相會否小心？）我唔擔心，都知自己影過乜，我信得過另一半同曾經愛過嘅男仔，佢哋唔會出賣我。」
