Ana R.若有$6000愛犬有得分

邊個數字近期最熱門﹖一定非六莫屬，最近政府宣布向每位年滿18歲的香港人派發六千元，不僅小巿民開心，連藝人也為這筆意外之財雀躍，恨死一眾無得分的外地模。

模特兒Ana R.自知無份獲派六千元，她對港人大表羨慕，還發白日夢說：「如果我有六千蚊，我會買靚衫畀狗狗，同埋捐錢。」

模特兒傅嘉莉可謂孝順女一名，她稱會將六千元給父母作零用錢，她稱：「我自己有手有腳可以搵錢，所以會將六千蚊當孝敬父母，或者加多啲錢請佢哋去旅行。」

葛民輝坦言每位巿民收到六千元固然開心，但他更關心長遠需要，他說：「政府要有長遠計劃，我做電台節目好多人講預算案，我認為要解決民生，房屋最重要，搞個方案幫後生仔上車買樓仲好。」

詠春高手陳嘉桓善心無限，她認為應該將六千元用得有意義：「我初時諗過買相機或者買衫，但我覺得都係捐錢或者畀屋企人更好。」她又指若18歲以下港人也有錢分，就更皆大歡喜。

外籍女模Cara G.的身份證未有三粒星當然無錢分，但每個人也有發夢權利，她說：「如果我有六千蚊，我會用嚟去老撾旅行，因為我好多地方都去過，唯獨未去過老撾，相信係好好挑戰！」

模特兒鍾浠文雖有交稅，但可惜身份證仍未有三粒星，但就豁達地表示：「有冇都冇問題，如果畀六千蚊我會儲起，當係獎勵，亦會去買嘢，因為平時都好慳。」

名模姚予晴深明六千元有限，但學問無限的道理，她說：「六千蚊可以畀我進修，我最近好想去上堂學嘢進修自己，就當係政府資助我。」

警鐘胸女模Jessica C.大讚政府派錢是好事，她表示若有六千元不會作自用：「我會用喺喜歡嘅人身上！想送嘢畀屋企人，等佢哋開心。」