阿B帶妻女山區探訪 鍾懿生性慳錢助貧童
【衞紫敏尼泊爾直擊】鍾鎮濤（阿B）帶同女友范姜及女兒鍾懿到尼泊爾參加慈善活動。阿B昨日出席完嘉旺竹巴法王的記者會後，一家三口即步行上山區探訪當地貧苦兒童，六歲的鍾懿當「小天使」特別帶備文具和糖果送給小朋友。
在前往村莊的路上，鍾懿遇上小村童及一群小山羊，她送上小禮物，而小童衣服殘舊及鞋破爛，母親范姜便教鍾懿要學滿足：「平時出街你仲揀鞋着，你睇吓小朋友對鞋。」鍾懿更主動跑到簡陋的樓房給小朋友派文具。
期間見到一批村民聞歌起舞，阿B亦上前「玩埋一份」，原來村民正舉行婚禮後的after party，阿B被熱情村民「對酒」，阿B亦豪氣喝了兩杯，在旁的鍾懿反而「乸住面」替爹哋心痛十分搞笑。
跟同學仔分享體驗
原來鍾懿已第二次來尼泊爾山區探訪，她表示：「覺得好開心。」阿B問鍾懿會唔會要扭計買衫買鞋？鍾懿答：「唔會啦，想幫小朋友，唔想再花錢買，夠就算，夠就好叻啦！」而阿B開心女兒懂事，並謂：「今次係畀佢體驗生活，呢啲比書本學更好。」鍾懿則說回港後會與同學仔分享今次體驗。