組合農夫成員C君昨單拖到電台受訪，透露拍檔陸永日前打籃球遭意外撞爆胸骨：「我哋同節目《撳錢》嘅一班人組成咗籃球隊，準備4月中打聯賽，點知練波嗰陣就撞傷咗，依家佢舉起手、講嘢都痛，『不舉』呀！從未見過佢咁溫柔，奄奄一息咁。」
C君又稱最緊迫將是本月15日與樂隊Mr.等合作的音樂會：「有半個鐘唔斷嘅medley，依家唔知點。（你頂唔住？）怕觀眾頂唔住！（搵錢騷受影響？）暫時冇，但有都照去喇，搵錢事大，命係事小，我都試過發高燒照演出。」
