江若琳遭偷吻呆立當場
江若琳日前到澳門出席酒店春節晚會，向來親民的她難抵歌迷熱情，主動走到台下作零距離接觸，豈料被男歌迷突襲偷吻，被嚇呆的她事後直言唔開心：「唔希望有下次！」
江若琳日前到澳門為酒店的春節晚會擔任嘉賓，會上她重演去年演唱會的串燒快歌，令現場氣氛推至頂點，排舞師Sunny Wong更親自到場打氣。
由於現場逾千位歌迷反應熱烈，江若琳主動走到台下與他們作零距離接觸，雖然大會已有多名猛男保安護花，但有男歌迷竟成功突圍，吻了江若琳的面珠一下速逃，令她呆在當場。
懂得更自我保護
被「偷襲」的江若琳事後直言唔開心：「只可以講佢哋太熱情，但我知個騷要繼續做，亦知呢啲係少數嘅事，件事發生得太突然，之後諗番先識驚。不過公司好好，話會加強人手保護我，唔希望有下次！（被偷襲嗰刻咩感覺？）真係反應唔到，好突然。（之前有冇試過？）冇，我啲歌迷好乖，最多都係握手同搭膊頭影相。（有陰影？）咁又唔會，會識更保護自己。」
由經理人急拉走
江若琳經理人指當時情況很混亂：「我同佢都嚟唔切反應，但現場真係太多人，我只可以拉佢走，好在佢都只係少少呆，仲好努力咁繼續演出！我明白歌迷係好熱情，但都唔可以咁！」
文：音樂組