JM伊健安全至上取消東瀛行

伊健與JM原定分別在本月中到日本工作，伊健到東京拍攝一個朱古力廣告，而JM就應邀出席廿一日的銀座時裝周開幕。昨日日本宮城外海發生8.9級地震，引發海嘯，東京巿區也多處發生嚴重損毀、火災。伊健得知災情後說：「邊個地方發生天災都唔會開心，明白到人鬥唔過天，惟有順天意。」伊健的經理人林珊珊透露拍廣告行程可能有變，日內會視乎情況再作決定。她說：「原先近機場有個景，但好似被水浸咗，大家商量可能延期，如果時間配合唔到，可能轉地方拍攝。」

陳靜受影響

JM本應邀擔任銀座時裝周的開幕嘉賓，其經理人公司發言人表示：「依家等日本方面回覆，未知點。」施念慈亦安排了旗下藝人陳靜下星期到日本與製作人見面，但如今不敢輕舉妄動。而模特兒蔡穎恩（Evelyn）、傅嘉莉分別在微博留言將到日本工作，Evelyn說：「我兩個星期後要到日本做嘢，希望會冇事。」傅嘉莉則說：「我搞掂香港嘅嘢就開始日本工作旅程，希望震動唔會引起任何可怕事件吧。」

伊健的日本之行或有變數。	蔡穎恩與陳靜不敢輕舉妄動赴日。	陳靜

JM暗示分手

此外，JM前晚與李治廷出席活動，她暗示跟男友分手。剛到歐洲旅遊返港的她被問到男友有否同行？她說：「冇呀！（男友呢？）冇呀！（單身？）唔知，迷惘中。（分咗手？）唔好講呢啲，做嘢先。」

文：音樂組