中田英壽憂心親友搶閘返日
日本昨日發生大地震，消息震驚全東南亞！前日本國腳中田英壽、日本組合AKB48及日本女聲Daisy x Daisy剛來港出席活動避過地震，不過他們均表示十分擔心家鄉親友，故待航班恢復後便會立即回家了解情況！
日本組合AKB48、日本女聲Daisy x Daisy及前日本國腳中田英壽昨日不約而同來港出席活動，昨天日本發生特級大地震，雖然眾人避過天災，但難掩憂心。
特地來港出席昨晚的保良局周年慈善餐舞會活動的中田英壽，表示十分擔心日本災情，他說：「好擔心，已經打晒畀日本嘅家人同朋友，好在佢哋都安全。（幾時返日本？）立即，只要航班OK就會走，但香港冇乜資料，所以唔係好知嗰邊嘅情況，但已經聯絡到媽咪。」他表示家鄉不近仙台，相信應該沒太大損毀。
粉絲握手會先消毒
來港舉行握手會的AKB48三位成員藤江麗奈、岩佐美咲及大家志津香表示相當擔心老家的地震情形：「真係好擔心，已經打咗番屋企，父母都話好安全冇問題。（封咗機場？）未知，因為電話唔通，所以都唔知詳情，（擔唔擔心其他成員？）都擔心，但應該冇事嘅。」他們又謂有住在重災區仙台的粉絲到其blog留言報平安，不過三人已決定今天即時回日了解。
昨日握手會有近三百名粉絲到場，一如以往他們要求粉絲先消毒才能握手，三人更即場獻唱勁歌《想見你》，期間有粉絲模仿她們上台表演，氣氛熱鬧。
日藝人微博報平安
至於日本女聲MiKA獨自發展的Daisy x Daisy昨日下午三時抵港為《C3日本動玩博覽》活動作綵排，對於老家地震情況，她表示已致電日本親友慰問災情。此外，日本地震亦令多個活動受到影響，其中組合SDN48原定昨晚假秋葉原的活動被迫叫停，而多位日本藝人包括AV女優蒼井空與男子組合EXILE也透過微博向內地網友報平安。
文：名人組