陳慧琳懷孕五月孖女流產
陳慧琳（Kelly）懷孖胎五個多月，昨日突然於個人網誌宣布孖女不幸流產，難掩喪女之痛的Kelly形容流產令她「度過了人生最難過的一星期」，幸得老公、兒子及家人陪同，她表示可以處理自己情緒，隱藏傷痛，着大家不用擔心。
今年卅八歲Kelly自從宣布懷有孖胎後，一直深居簡出好好養胎，只偶然出席活動，及到中環婦產科聖手何永超醫生的診所作產前檢查。豈料昨日她下午更新網誌，以一點「‧」為題，向大家公布不幸流產的消息，她文中寫道：「盡了最大的努力後，兩位女兒始終未能夠跟我們一同生活。」
家人支持樂觀面對
Kelly續稱醫生說沒有任何特別原因，只公開答謝瑪麗醫院的所有醫護人員，為免歌迷擔心，Kelly說：「大家不用擔心，我會好好休養，待準備好的時候，便會再跟大家見面。」據知，小產於上周發生，目前Kelly已由醫院返家休息，Kelly透露：「一路以嚟老公、家人同埋蝦餃仔都陪住我、支持我，我依然樂觀嘅，可以處理自己情緒。」
本報致電Kelly的助手Leo，他透露：「醫生話唔關人工受孕事，佗孖胎本身都好高風險，Kelly喺早上瞓醒就有作動迹象，主產醫生建議佢入瑪麗醫院，因為醫院本身兒科設備最好，期間Kelly嘅丈夫Alex廿四小時寸步不離咁陪住佢。」問到Kelly會否再嘗試接受人工受孕？Leo表示：「依家佢一切都唔諗住，等佢休養好身體先。」
其實Kelly得知懷有孖胎後，一直都非常謹慎，她曾經透露今次腹部偏重，又十分擔心孖胎的發育，當時她說：「驚佗唔掂，見步行步啦，生得出先算啦！」
減少工作深居養胎
Kelly今次為孖女多次捨棄她最愛的高踭鞋外，更推卻不少辛苦工作，只有兩次出席公開活動、為電影《大鬧天宮》客串及拍攝金飾廣告，比起佗「蝦餃仔」的時候相對減少很多，睇得出Kelly已盡力去保護孖女於腹中的健康。
Kelly的助手說：「自從知道係孖胎之後，一直都想畀Kelly專心休養，只係接過兩個公開活動，之後都冇再接工作，依家Kelly會專心休養，乜都唔諗。」
採訪：音樂組