袁彌明事業第一唔憂嫁
慢慢淡出娛樂圈的袁彌明（Erica）近年轉戰商界發展，為做女強人，兒女私情一於擺埋一邊！跟男朋友感情穩定的她坦言一紙婚書並不代表甚麼，亦淡定不怕被人話「剩女」：「我點會『剩』呀？」
近來很多藝人創業，袁彌明（Erica）更可算是當中成功的表表者，她繼開美容產品公司後，近來又斥資四十萬開了一間飲品專門店，闖商野心勃勃。事業得意，愛情亦相當順心，眼見不少女星豪門夢碎，令她對結婚看得更透徹：「我唔係一定要結婚嘅人，係社會風氣文化造就到好似人人都要結婚！」去年尾，她決定踩入飲食界，開設特式飲品專門店，開舖其中一個目的就是為了可讓自己隨時歎茶。
投資四十萬
不少圈中朋友知她開舖後都慕名而來，之後幫手在微博宣傳，她笑說：「我發覺微博真係一個好好嘅宣傳渠道，如果圈中朋友嚟，我一定會請佢哋飲。」
飲品專門店雖然去年十二月才開張，對它充滿信心的Erica已考慮稍後在港島或沙田開分店：「今次投資咗四十萬，呢個舖位簽咗兩年，好有決心，間舖一月已經開始賺錢，希望六至九個月可以回本，目標係一日賣六百杯！」
採訪：專案組
攝影：倪立煌
場地：Kami TEAPRESSO