瑪姬水着嘥料飛天補數
新城電台DJ瑪姬早前飛到日本沖繩出席好友的婚禮，原打算順道在當地海灘暢泳，可惜遇上低溫，雖帶齊泳衣卻無法一展身材，改為膽大包天玩降傘俯瞰沖繩的海岸靚景，令她非常難忘。
瑪姬幾乎每日都返電台開咪，好難得先可以請假去旅行叉叉電，早前她的好朋友選擇於沖繩的小教堂舉行婚禮，瑪姬就飛到當地送上祝福，她說：「大家識咗十幾年，點都一定要去戥佢開心，真係好感動！」
車姊妹遊勻全島
首次去到沖繩，瑪姬膽粗粗嘗試自駕遊，首次自薦做司機帶住一班姊妹玩均晒沖繩的南、北兩部，除了參觀世界最大的水族館、首里城的古蹟之外，瑪姬更一嘗飛天滋味，大玩空中降落傘，飛到半空俯瞰沖繩的海岸靚景，她說：「教練會將你飛到海中央，喺空中度旋轉，咁你就可以三百六十度咁睇晒個景，感覺好正呀！（唔落水？）沖繩最出名係陽光海灘，不過天氣太凍喇，得十四、五度，我唔想病呀，帶晒泳衣都冇用到。」
大手筆狂掃手信
沖繩出產的菠蘿、苦瓜、海鹽都好出名，瑪姬坦言又食又拎，買了大堆有關的手信返港益朋友，她說：「成個trip用五位數字啦，其實相比起東京、大阪嘅地方，沖繩唔會大出血咁shopping嘛，反而你會捨得使錢玩同埋食，豪少少都可以嘅！」
文：音樂組