Roxanne玩過山車被困

模特兒Mandy Lieu師妹Roxanne Ngai因工作關係經常出門旅行，早前她便遠赴美國奧蘭多，玩盡環球影城、迪士尼樂園及海洋世界三大主題公園。自認大膽的Roxanne玩過山車絕冇縮沙，更大呼刺激！她說：「我最鍾意玩機動遊戲嗰種快感，我一路玩一路嗌，唔係驚，製造氣氛咋！」不過當她玩室內過山車時竟遇着機器故障，被困五分鐘，令死穴是怕黑的她也大叫怕怕：「好在我兩邊都有人，而且前面有個螢光幕，先冇咁驚！如果係再前啲就會好黑，仲有蜘蛛添！」
Roxanne興奮地與米奇老鼠合照。
Roxanne興奮地與米奇老鼠合照。

少女都愛卡通人物，Roxanne亦對米奇老鼠情有獨鍾，故不惜排長龍索合照，卻遇上對方「輪班」：「開頭見佢好高大，但排到我嗰陣突然換人，隻米奇縮咗水，仲矮過我，搞到我要烏低身合照！」

Roxanne早前到美國玩盡多個主題公園。
  • Roxanne早前到美國玩盡多個主題公園。