岑潔儀醉壽星 男友開定房

岑潔儀（Zoey）上月中正式踏入24歲，男友邀來半百好友在酒店為她舉行驚喜派對，包括圈中好友黃欣、林雋健，Zoey說：「主題係貴婦party，女仔要着皮草，我嗰晚着兔毛，但係之後喺Youtube睇到生剝兔仔皮做皮草嘅片，決定以後唔再着！」她高興地表示當晚怕醜仔男友開金口唱生日歌，又送上名貴鑽石手鏈：「生日願望係多啲工作、身體健康，希望努力多兩至三年，同男友拉埋天窗！」
穿上低胸吊帶裙的Zoey，獲好友祝壽。
穿上低胸吊帶裙的Zoey，獲好友祝壽。

Zoey的男友非常細心，估計壽星女會high爆大喝特喝，在酒店預先book定房間給她休息，Zoey尷尬笑說：「嗰日我食完飯，八點飲到兩點，斷晒片畀人抬上房，嘔到第二朝，好彩男友夠細心！」

岑潔儀（右）着兔毛皮草，與好友黃欣合照。
  • 岑潔儀（右）着兔毛皮草，與好友黃欣合照。