吳日言畀男友嘗甜頭
歌手吳日言（Yan）向來廚藝了得，她還趁住「白色情人節」來臨，炮製情人節大餐冧男友。Yan笑言男友是「白老鼠」，經常要他試食新菜，男友更由大彈她的廚藝，變到對她的廚藝刮目相看，令Yan大感興奮。
吳日言向來識飲識食，更斥資五位數字將香閨廚房大裝修，她說：「我又買焗爐，買好多新廚具，都好揼本，裝修完後，我經常邀請朋友嚟試我嘅廚藝，佢哋有彈有讚，試過煮日式咖喱，畀朋友笑似茶餐廳煮出嚟。」
做白老鼠
適逢3月14日是「白色情人節」，Yan便炮製甜品白朱古力慕絲冧男友，浪漫撐枱腳。至於男友有否讚賞她的廚藝，Yan說：「佢係『白老鼠』，我成日要佢試食，又不斷問佢過百條問題，又要佢畀意見，佢由話唔好食，到依家話好食，證明我進步咗，都好開心。（結婚？）唔會咁快，過咗30歲先啦。」
出寵物書
Yan除了推出烹飪書外，最近還籌備推出寵物書籍，她說：「諗住教啲人整寵物衫，呢排都落手落腳去深水埗睇布料，預計暑假前出書。（撼o靚模寫真？）寵物書會有一定捧場客，我本身又好鍾意寵物，希望繼推出烹飪書後，可以出到呢本書。」
採訪、攝影：戶冊平
場地：Strawberry Forever@LCX
服裝：bread n butter