熊黛林尷尬未婚做城嫂
久未露面的名模熊黛林（Lynn），昨日與張智霖（Chilam）出席溥儀眼鏡活動。Lynn對於早前緋聞男友郭富城讚她性感又感性，她明顯有留意報道：「呢件事好耐架啦，但有人讚梗係開心。」繼又回敬城城，指他在舞台上最性感，那是否在舞台上濕透身的時候最性感？她即露出尷尬的笑容，更緊張得面紅耳赤及冒汗，繼說：「有自信及認真做事的男人最吸引。（你哋會否正式公開戀情？）我唔會特登公開，每人嘅情況、性格唔同。」至於同場的城城好友Chilam是否稱呼她為「城嫂」？她尷尬地表示：「唔識答。冇人叫我阿嫂，我都未結婚！」
Chilam被問到是否稱呼Lynn為「城嫂」？他說：「我幾時有叫過？我叫佢Lynn。多謝佢用真金白銀買我演唱會飛。（去城城做嘉賓嗰場？）唔知佢買邊場。（只係為咗捧城城場？）吓？唔係啩！其實兩日都咁精彩！」
