楊汀叮網上買衫唔怕撞
模特兒楊汀叮成為網購的新擁躉，鍾情英國及韓國潮衫的她早前以四位數購入一件超搶眼的豹紋褸：「我第一次買豹紋褸，其實豹紋好易着得人老，變阿太，但呢件褸好Young好型，而且質地好好，唔似有啲毛毛會纏埋一舊舊，有埋頂毛毛帽，真係啱晒依家乍暖還寒嘅天氣。」
汀叮不諱言女裝最被注目的是褸、帽及袋，要搶眼、不跟別人做孖公仔，揀衫自然要多花心機，她興奮着起豹紋褸，走在街上贏得眾人艷羨目光：「好多人走嚟問我喺邊度買，有男有女，試過有個男仔話：『我表妹好鍾意豹紋o架！』，不過因為我唔記得個網址，通常都以唔喺香港買嚟打發佢哋！」
