李詩韻羅馬考古見仔即瞄
無綫小花李詩韻首次踏足歐洲，在羅馬四處欣賞古建築物、教堂、廢墟等，固然令她大開眼界，但原來最吸引她的，還是當地的俊男，質素與內涵兼備，實在令詩韻「目不暇給」！
李詩韻喜歡周遊列國，目的是希望感受各地不同的風土人情及文化。早前，她到了羅馬拍攝宗教節目順道暢遊一番，首次踏足當地的詩韻坦言大開眼界：「起程前已經好期待，去到真係眼界大開！尤其見到滿街都是啲古羅馬建築，真係好壯觀。嗰邊有好多教堂，每個設計都有不同特色，牆身會有雕刻，真係好靚好有中世紀嘅文化風味。」
雪糕醫肚
羅馬競技場亦是最期待的景點之一，李詩韻說：「去到羅馬競技場其實心情都唔係咁好，因為聯想起古時啲勇士與野獸搏鬥，以及有人被處死的情景，好震撼好殘忍。」之後李詩韻再到了「廢墟」，她說：「呢度係睇古時建築物遺址，因為打仗而被摧毀嘅地方，好有欣賞價值。」
歐洲旅遊難免消費高昂，即使連鎖快餐店的套餐都要一百港元，李詩韻說：「好彩我都搵到又平又好食嘅嘢，就係GELATO雪糕，真係好好味又多選擇。」問到有否艷遇，她直指當地俊男多的是，就連當清潔服務員的男士質素亦相當高，加上有浪漫優雅的氣質，街上不時看見俊男在彈結他、畫畫和看書，深被吸引！
文：影視組