劉璇認一姐冇得比
「體操公主」劉璇轉戰歌壇備受力捧，對於其知名度之高堪稱唱片公司「一姐」，她卻自嘲「我年紀上係最大」，又謂不擔心因公司歌手多而分薄資源，因各走路線不同，難互作比較。
劉璇加入Neway唱片公司後即受力捧，除於上月底出碟外，公司又安排了鋪天蓋地的宣傳活動，務求令其高企人氣再提升。問她被冠為「一姐」之名？她笑言：「唔會啦！我係最遲加入公司，不過如果講年紀，我都算係最大，以前我喺國家隊，都係做隊長嘅！」
主攻國語歌
問她可擔心公司歌手多被分薄資源？劉璇直言絕不擔心，因為各歌手屬不同類型，她主力是國語市場，進軍大中華，而同公司的鄭融、HotCha則以廣東歌為主。劉璇笑言雖然加盟唱片公司不久，但和「師姐」們相處融洽，早前更和鄭融、HotCha唱K，感覺很熱鬧。
壓力變動力
早已當上中國的「體操公主」，現以歌手身份另創一番事業，劉璇可感壓力重大？她坦言：「成名的確會增添壓力，因為我如果唱得唔好，啲人就會話『呢個咪劉璇囉』，但凡事都要睇兩面，亦因有壓力，我會更加認真、努力工作。」
採訪：音樂組
服裝：Miss Sixty
髮型：Wing Wong（Orient 4.com.hk）
Makeup：Annie.G. Chan