小齊沙漠越野賽買重保
任賢齊一向予人好好先生及廿四孝父親，在一對寶貝仔女面前，小齊既溫柔又有耐性，但當談及他最愛的賽車，小齊即粗獷起來，更透露九月會前往沙漠一嘗越野電單車比賽。
小齊早前拍攝了一輯藥物廣告，片中他跟「兒子」在草地上踢足球享受天倫樂，而現實生活中，小齊無論有多忙碌，都定必抽空跟子女享受家庭樂，他一臉溫柔說：「我鍾意帶佢哋去多啲大自然地方，好似沙灘同行山，希望佢哋喺一個寬闊嘅環境下成長。」
仔女有投訴
雖然家人已定居香港，但小齊為了工作經常做「空中飛人」，問他一對子女可有投訴？小齊不諱言：「有時都會，所以依家揀工作都冇咁密，若可以嘅話都會帶埋佢哋一齊去，等佢哋知道爸爸做嘢好辛苦！」
入場費18萬
熱愛賽車的小齊，講起就興奮得手舞足蹈，更自爆今年九月會到新疆沙漠參加一項國際性的電單車賽事。他透露參賽條件要由國際賽車協會認定，需先付十八萬元報名費，保險更高達一百六十多萬元，令人咋舌，不過小齊依然興奮莫名，還說：「呢個電單車沙漠賽未有一個勁過我嘅藝人！」文：音樂組