陳偉霆嫌阿Sa經驗淺

William昨日宣傳新片《出軌的女人》，與三位女主角夏文汐、吳家麗及葉璇齊齊亮相，William說：「戲中我分飾兩兄弟，瞞住啲客輪流上場，搞到啲客以為我體力回復得好快，我同三個闊太（夏文汐、吳家麗及葉璇）都有激情戲，（向阿Sa攞經驗？）我諗佢未拍過啲咁激嘅戲，導演起初想我露全股，我掙扎咗好耐，公司唔想，加上我都覺得未ready，雖然最後都有拉低褲拍，（露半股？）唔知，我都未睇。」

夏文汐錫住入戲

夏文汐亦大讚陳偉霆演技，更睇好對方有獎攞，她說：「我睇好William同吳家麗攞獎，佢哋啲戲好搶。另外有場戲講葉璇向我剖白，佢邊講邊錫我、摸我、錫我胸，成場戲去得好自然，幫到我投入。」

蔡卓妍	葉璇（右）在新片中與夏文汐有斷背吻，昨日二人見面時即場再示範。

吳家麗想去鴨店

吳家麗拍完《出》片後，豪言有興趣去鴨店「見識」吓，她說：「呢個年代女人開放咗，有時候唔好對死一個，出去試吓其他男人，唔一定要發生關係，最緊要唔好泥足深陷。我都想去鴨店睇吓，睇電視見日本鴨店好有規模、好專業！」而葉璇則表示：「好榮幸可以揸夏文汐胸，場戲我做主動，好大壓力，不過夏文汐唔係我一手可以掌握。」

文：影視組