封胸唔怕「凳」 周秀娜處女騎爆褲
周秀娜（Chrissie）昨日以騎師造型拍攝特輯，雖然她密實「封胸」上陣，但32D導彈上圍仍非常突出，可惜她上馬時動作太大，搞到膝頭內側褲位「爆呔」，非常尷尬。
昨日Chrissie以騎師造型為賽馬會的《香港打吡大賽》拍攝特輯，首次騎馬的她表現得非常淡定，反而馬匹有點緊張四圍擰頭，她說：「我第一次騎馬，真係好開心，騎之前仲幻想係長髮飄逸嗰種，好型咁，點知騎上去都發現有啲『凳』！」
上身包到冚
Chrissie坦言第一次上馬難免緊張，幸得練馬師及工作人員陪同才放心。問到身材會否被「凳」得好辛苦？她說：「少少啦，今日已經着得好緊，有機會凳到嘅部位都已經包好晒！」雖然上身包到實一實，但下半身就「失守」，由於上馬動作太大，Chrissie膝頭內側褲位「爆呔」，非常尷尬。
男友攞貼士
她又笑言今次工作認識不少馬匹的資訊，她說：「男朋友都問我攞賽馬貼士，（你有冇賭？）有試過，小賭怡情囉，一陣做完嘢再問吓師傅攞勁啲貼士先！」
提到Jessica C.同樣被拍到跟男友外遊戲水，Chrissie說：「係咩？咁蹺？下次叫佢一齊騎馬玩吓！我鍾意陽光海灘，好想下次去馬爾代夫。」
採訪：音樂組