Kay孖倉木麻衣踩入TGC
謝安琪（Kay）近日獲邀到北京，為著名日本時裝騷Tokyo Girls Collection（TGC）行Catwalk，成為首位現身TGC的香港女歌手，認真威水！Kay更打算到時抽空跟Lady GaGa的音樂監製見面，交流音樂心得。
雖然Kay已貴為人母，但仍獲得不少廣告商青睞，日本著名時裝騷TGC首次跳出日本，鐵定於5月7日假北京萬事達中心舉行名為「TGC時尚盛典」的派對，Kay正式獲邀擔任當晚的表演嘉賓，更會為日本時裝品牌行騷。
中日韓女星參與
模特兒周秀娜、諸葛梓岐、Angelababy等都曾經參與過TGC盛事，不過香港的歌星界別Kay卻是第一人，她表示既開心又期待，但面對一眾性感日模，會否感到壓力？她表示：「其實TGC有好多唔同品牌，只係香港報道偏重喺內衣騷嗰Part，我會着品牌提供嘅潮流服飾，（第一次？）唔係，入行好初期行過一次，之後都冇行過騷喇。」據知，日本歌姬倉木麻衣、韓國藝人韓智慧、韓智敏、內地名模呂燕及尚雯婕確認出席外，Baby、日本的香里奈及長谷川潤等都在邀請名單之列。
斟GaGa監製合作
據知，大會特別邀請到Lady GaGa的音樂製作人Daniel Merlot為時裝騷炮製音樂，令盛事更趨國際化，問到會否有機會見面？Kay的經理人夏森美表示：「到時一定有機會見面，因為佢係我朋友個朋友，到時可能見面交流吓，（拉攏合作？）會呀，GaGa啲音樂好有跳舞感覺，不過要睇Kay未來音樂路向，如果啱嘅都可以試試。」
文：音樂組