周柏豪暗寸陳山聰：唔知婚姻係乜
何家索女何超雲桃花不斷，近日有傳她與陳山聰打得火熱，男方為奪芳心不惜與髮妻離婚，超雲另一緋聞男友周柏豪昨日即時劃清界線以「外人」自居，但對山聰「結完又分」，暗寸說：「唔知道婚姻係咩嘢！」
周柏豪昨日在旺角出席電腦遊戲活動，心情勁靚的他全程有講有笑，對有報道指因超雲介入才令陳山聰狠心與Ponny離婚，問柏豪會否相信傳聞？他表示沒有睇報紙，不知別人的事，外人不宜多言。問他會否向超雲打探？柏豪說：「我冇乜點問佢感情事，好少聯絡，本身都係普通朋友，好多只係緋聞，我唔想加把口講咁多。」他坦言不知道兩人是否認識，但強調自己不認識陳山聰，柏豪又指與超雲只會在雜誌、報紙上扯上關係，向來沒甚聯絡，現階段亦不應該多說話。他又多次重申與超雲沒有私下聯絡：「我哋都係公開場合見過兩次，冇講過電話。（疏遠超雲？）冇乜特別，都係普通朋友。」
「諷刺自己窮」
早前柏豪在微博發表「有錢人論」，他解釋只是諷刺自己窮：「我唔係叫超雲唔好同我做朋友，只係叫有錢過我嘅朋友唔好同我出咁多街，唔想好似上次同Kary（吳雨霏）出街又畀人影！我咁窮，朋友有錢過我好正常。」至於超雲前日在微博發表的「交友論」，他亦大表認同，會否覺得超雲藉此力撐陳山聰，柏豪直言擔心講錯說話：「我知道依家自己講嘢好敏感，我唔回應啦！」
「鍾意畀人爭」
對於陳山聰被各界批評，柏豪說：「冇嘢回應，呢啲係大人嘅事，我冇結過婚，冇去過嗰個階段，唔知道婚姻係咩嘢。（超雲係搶手貨，點解唔加入戰團？）我想自己畀人爭多啲，有邊個唔鍾意畀人爭？（祝福佢哋？）如果真係拍拖會祝福，身邊每個朋友拍拖都會祝福！」至於超雲及陳山聰昨日未有在微博發表有關緋聞的言論，不過超雲上載化妝品的照片，緋聞不斷的她，似乎未有影響扮靚心情。
文：音樂組