林莉名店揀禮物生日等人約
由港姐轉營做模特兒的林莉，日前更成功進軍大陸行騷，挑戰一眾大陸名模，工作不斷的她，早前現身銅鑼灣名店區，睇完靚衫，又走進歐米茄店內揀錶，行徑非常富貴，不過都是空手而回，之後她轉場行超市，向來注重健康的她，掃營養燕麥，但行經雪糕攤位時，也忍不住口買來食。
問她是否賺人仔變富貴？她說：「唔係，因為我呢個月25日生日，做嘢咁努力，好想買份禮物獎勵自己，（生日嗰日會同公司請假？）做嘢緊要啲，唔會放假，不過夜晚會同同事及屋企人食飯。（有冇男士約你慶祝？）朋友梗係有，但正日冇人約，依家都係尚早，希望有啦！」
