陳奕迅拒踩場怕王菲兜巴星
陳奕迅（Eason）昨日為新碟「Stranger Under My Skin」在MegaBox舉行簽名會與歌迷玩遊戲，對好友王菲在演唱會上選唱了他的歌曲《大開眼戒》，Eason表示：「係咩，我都好想去聽，喺北京睇咗尾場，我都好恨睇多次。（上台合唱？）唔會啦，怕佢會『星』我，你知佢反應奇怪，但佢唔會動粗嘅，我係怕影響佢情緒啫。」
兩人性格相反，Eason「講唔停」，王菲「冇嘢講」？Eason謂：「佢演唱會先係咁啫。」
至於Eason表示新歌歌詞是反映社會怪現象，如食飯個個愛玩手機。問其女兒康堤可有手機？Eason謂：「冇，佢咁細個，我自己都會按手機，但玩之餘我都想佢睇多啲書。」而Eason看到前輩歌手巫啟賢和邰正宵訪問中指十年來香港只出了陳奕迅，Eason覺得太誇獎他，在他眼中如鄭融、陳偉霆很會跳舞、梁漢文會彈琴創作，各有風格。
唔知有錢派
提到政府派錢一事，Eason竟懵然不知，只知加煙稅，而他稱自己已經食少了很多煙，吸二手煙的機會還多。
此外，杜汶澤昨日上載多張王菲演唱會的靚相上微博，並說這可能是世界上最好的演唱會，怎料惹來王菲質疑：「杜生是歌迷？裝不是裝得好像哦。」另阿澤昨晚帶了一壺湯到後台，王菲亦留言感謝。
文：音樂組