張栢芝早前被指因交不出檔期拍攝陳勳奇新片，令該片不能埋尾，陳勳奇已否認其事，昨日栢芝已返回劇組，陳勳奇還預備好一切，等栢芝埋位，預計會用兩日完成拍攝！
早前有指張栢芝因交不出檔期，令《楊門女將之軍令如山》埋不了尾，迫令電影公司「上影」向她發出最後通牒，栢芝與「上影」不和之說不脛而走，但導演陳勳奇澄清栢芝並無跟電影公司不和。
而栢芝昨日已正式返回《楊》片劇組，為該片埋尾，陳勳奇表示：「栢芝今日返嚟喇，我已經排好晒啲文戲、武戲，等栢芝一到就會開工。」據知栢芝從王晶方面取得兩日檔期，故此栢芝將要在四十八小時內完成所有戲份，但因栢芝在過年之前，特登趕起與任賢齊的戲份，所以現只剩下一些單人鏡頭要拍，應該能夠如期完成。另外，她在任賢齊微博留言，為小齊到甘肅做探訪打氣之餘，亦叫小齊要好好照顧劉嘉玲。
另外，周海媚日前在拍攝《楊》的大型戰爭戲時，右腳被武師刀劈傷。至於戲中另一女將大島由加利，亦在拍攝一場武打戲時從十呎高的地方墮下！陳勳奇表示：「當時佢頭着地，好彩地下係泥地，我即刻送佢入院，醫生診斷佢頸椎受傷，依家返咗日本休息。」
文：影視組