林峯粉絲禁埋身鮮花亂飛

【楊安莉廣州直擊】林峯前晚假廣州體育館舉行「林峯COME 2 ME廣州演唱會」，將紅館的演出毫不保留移師當地，全場有九成入座率，不少歌迷舉燈牌支持，樂易玲亦有專程捧場。林峯開場時率先於彈弓舞台彈出，惜稍失平衡，幸未有影響連串的勁歌熱舞，唱出《Hello》及《原罪》兩首快歌，不過就現場所聽，「襯底」音樂聲浪太大而蓋過林峯的聲音。

濕身熱舞火辣辣

體育館的保安及安全措施非常嚴謹，演唱會除了取消原有的玩火環節外，大批保安阻止歌迷走近舞台，有歌迷衝前送花時被保安阻止，林峯見狀立刻說：「放心，佢拎啲嘢畀我啫，唔係暴動！」後來歌迷索性將毛公仔及鮮花等禮物掟上台，其中一位掟咕o臣時差點掟中林峯，非常危險。林峯保留濕身環節，於水簾下跟一眾火辣辣的dancers共舞，睇到台下歌迷熱血沸騰，興奮到要求encore兩次才肯完場。

林峯彈高六呎出場，卻因落地失平衡險拗柴。	林峯收到的鮮花都是由歌迷掟上台的。	歌迷情緒高漲，林峯兩度安哥才完場。

擔心唱新歌失音

林峯完騷後舉行慶功宴，他承認開場彈出時險失平衡，他說：「喺空中有少少失平衡，彈到上差唔多六呎高，落地嗰吓，差少少拗柴！（開場襯底音樂好大聲？）我都覺得係，不過最緊要氣氛好，不過今次有新歌，有襯底音樂隱陣啲！」提到台灣舞王羅志祥同樣於廣州開騷，他表示：「我知，我都祝佢演出成功，希望將來香港同台灣藝人工作上可以多交流。」