陳倩揚向嘉欣睇齊
同是港姐出身的陳倩揚，跟師姐李嘉欣和蔡少芬（Ada）同樣佗Ｂ而心情興奮，Ada已證佗Ｂ女，預產期５月，她昨在微博留言說：「大肚女人真幸福，但也……好苦……何苦……何苦？無嗱嗱……」道出懷孕的苦與樂，昨晚Ada更與陳法蓉結伴去睇王菲演唱會。
反之陳倩揚大肚則幸福滿瀉，昨日她出席活動時老公全程陪伴監場兼代為拍照，她說感受到Ada的心情，同時亦羨慕師姐嘉欣的收身成績，迅速回復昔日靚樣，小ＪＭ亦健康乖巧：「我跟嘉欣同樣都係工作狂，佢咁快就出街，都係坐唔定，我都想生完就快啲出番嚟做嘢，要盡快keep番好似嘉欣咁嘅狀態，依家開始搜集唔同資料。」６月預產的她，有老公照顧出席活動，她說：「佢好緊張，唔准我着高踭鞋，又做埋我司機、助手，直情係打雜。晚上又喺床上講故事，佢一講故事，就覺得ＢＢ會靠向佢嗰邊囉。」