阿正讚《FLASH on》多元化 森美勁冧大膽潮妝
由時尚周刊《FLASH on》舉辦的「FLASH Outline彩妝藝術互動展覽」於銅鑼灣時代廣場舉行，吸引不少明星名模捧場參觀，場面熱鬧。森美與RubberBand隊長阿正昨晚抽空捧場，森美大讚展覽會嶄新：「見到啲相片化妝好大膽同新鮮，唔係單單商業化。」當中有一幅照片森美特別欣賞，他說：「相片中模特兒係東方人，而東方人要做特別style比較困難，呢張相構圖好強烈，感覺好唔同。」對於時裝，森美表示一向支持環保，最愛舊衫、二手衫，最重要舒服。繼又大讚《FLASH on》的潮流介紹，他說：「作為潮流雜誌，睇得出潮流資訊有挑選過，呢點好重要。」
而阿正亦大讚展覽相片除化妝元素外，亦融入了藝術，他說：「我除咗做音樂，對其他藝術都有興趣，例如好鍾意睇畫。」他續說一直都有留意《FLASH on》，並大讚內容多元化：「最初以為本書只係講女性嘅嘢，原來入面有好多潮流資訊、旅遊、時裝等等，加上免費，所以一定會支持。」阿正透露自己並不是麻木跟隨潮流的人，最重要是要有個人風格：「我性格有啲躁狂，我哋（RubberBand）四個都有不同性格，咁樣好啲，會擦出不同火花。」
