張智霖搵舊愛唔怕老婆呷醋
張智霖（Chilam）、胡杏兒、謝天華及腹大便便的姚瑩瑩等《魚躍在花見》演員，前晚相約食飯兼睇大結局。有指Chilam邀舊愛許秋怡任個唱嘉賓，他大方承認：「係有接觸，為觀眾着想。成唔成到件事要睇佢，佢好忙。如果唔得，我都有兩手準備。（傳你老婆袁詠儀唔鍾意？）點會？唔係事實唔回應。我重申演唱會同個劇冇夾時間，係天意。之後我會拍《一代宗師》同內地劇，我入咗《一》劇組，但未拍，可以參與好開心。（怕唔怕《一》拖你檔期？）唔會。」
同場的胡杏兒否認與黃宗澤（Bosco）開聯名戶口：「唔係聯名戶口。（佢入晒啲錢落你戶口？）係囉！講笑啫，真係激死，冇啲咁嘅事！我同Bosco嗰次買衫唔只兩個人，買衫好平常，唔係第一次買，但冇化妝被人影，感覺似冇着衫。（愛情事業兩得意？）我想事業得意先。」