阿佘拒做無綫親生女

阿佘昨晚身穿tube dress及佩戴千萬鑽飾，為意大利珠寶匯演2011擔任嘉賓，她在開騷前五分鐘才到場。之前受傷的阿佘表示昨日是第一天復工，問到傷勢如何？她說：「我好番晒，但要做物理治療，不過好易做，唔難做，只係短期內拍唔到打戲。（受傷期間損失好多工作同金錢？）大家唔好喺我傷口灑鹽，我冇咗登台同一個明知會好收得嘅劇集。（有冇七位數？）都差唔多。」

保持良好關係

不過大家最關心還是有關阿佘以千萬離開無綫的傳聞，阿佘不置可否說：「首先我好多謝大家關心我何去何從以及合約問題。無綫係我娘家，係我成長地方，關係會保持良好。」但她坦言今年約滿無綫，並考慮轉簽部頭約，言下之意不想再做無綫親生女。

行騷經驗豐富的Cara G.表現淡定。

Ana R.穿上名貴首飾，高貴大方。

避談千萬酬金

問到是否以千萬酬勞到大陸拍劇？阿佘避談酬金：「唔關錢事。（有傳無綫將推出你主演嘅新劇《花花世界花家姐》，谷你攞視后挽留你喎？）劇集幾時出控制唔到。」言談間表現冷淡，說罷即匆匆入場。其後阿佘離場時，被記者追問有關她與內地富豪拍拖一事，她即說：「我唔需要為呢啲古仔做回應。」

另外，今次參與匯演的模特兒眾多，包括Jessica C.、Ana R.、Cara G.等，場面熱鬧。各模特兒均穿上黑白兩色的tube dress上陣，配合名貴首飾，高貴大方。

文：名人組