溫碧霞得閒飲藥蟲草補身

溫碧霞入行多年，樣貌與身材一直保持good fit狀態，向她請教養生之道，可謂相當適合。原來溫碧霞一向都有服食冬蟲草習慣，她表示：「我習慣每晚都會放啲蟲草落杯然後浸一晚，第二朝早飲，保健效果好好，而每個星期亦會用蟲草煲湯。」
溫碧霞出道至今明艷照人，良好飲食習慣是她保健心得。
溫碧霞出道至今明艷照人，良好飲食習慣是她保健心得。

除了食蟲草養生，溫碧霞亦會定期睇中醫：「唔係一定要病先去睇中醫，調理身體好重要。好似農曆新年，大家都會食煎炸熱氣嘢，去見吓中醫，佢會開啲適合唔同體質嘅中藥涼茶嚟清熱。」近年流行服用中醫藥粉，因為方便服用。問溫碧霞喜歡煲藥還是選藥粉？她謂：「其實我覺得兩樣嘢效用差唔多，但我比較鍾意煲藥材。」她又透露喜歡做瑜伽舒展筋骨：「因為我成日要坐飛機，做瑜伽拉下啲筋骨，可以令條腰舒服一啲。如果我喺香港，會一個星期上一次堂。」

溫碧霞一向有服食冬蟲草習慣，每星期均會用冬蟲草煲湯。
  • 溫碧霞一向有服食冬蟲草習慣，每星期均會用冬蟲草煲湯。