王喜被便衣公安帶走

王喜與無綫四名幕後及導遊一行六人，前日出發到重慶，為中央台三月中出街的紀錄片《大三峽》拍攝外景，原定在重慶、宜昌、武漢取景，並乘坐郵輪暢遊長江三峽，但首日拍攝即遇阻滯。

一小時後放行

王喜昨早到重慶三峽紀念博物館拍外景，劇組雖已獲博物館批准拍攝，但仍遭十多名便衣公安包圍，逐一核對各人身份，王喜欲與攝影師在館內繼續拍攝，博物館方面即時阻止，公安指王喜等人未能出示記者採訪證，遂將一行六人帶返派出所，一小時後獲放行，但被勸喻暫時不能繼續拍攝，否則屬違規採訪。據知，眾人在派出所時氣氛融洽，更有女文員要求與王喜合照。

王喜在長途電話中說：「公安搵咗個會議室嚟招待我哋，由導演出面同公安傾，其他人冇被查問，去派出所之前又唔知乜事，都有啲擔心。（你當時飲緊茉莉花茶？）冇，亦都冇做令人懷疑嘅嘢，我咁大個人都未被人拉過，後尾知係採訪證問題就冇再擔心，我返到酒店睇月曆，至知原來係沖鼠，劇組有兩個人屬鼠，唔怪得啦！」

冇批文唔畀拍

無綫外事部副總監曾醒明表示：「攝製隊未能出示批文，即係內地所指嘅記者採訪證，無綫係有申請，但未攞到手，本來打算邊拍邊等，公安了解過係拍紀錄片，只係勸喻暫時唔好拍。今次行政處理上係未符理想，心急咗，出現咁嘅情況，無綫已經同中聯辦溝通，出番批文，繼續拍攝，如果唔得，就會返港。」

文：影視組