可嵐誕七磅二麟兒
前歌手可嵐前晚十一時許順產誕下七磅兩安士愛子尤俊（Eugene），飲食界才俊老公尤子威全程在產房為老婆打氣，可嵐以「屙屎」形容生仔過程，她說：「好似急屎咁，一用力就咇咗出嚟。」可嵐踢爆老公緊張到連相都忘記拍：「佢好用力握住我隻手，雖然佢帶晒相機同攝影機入產房，但最後都忘記拍。（見到BB有咩感覺？）唔敢想像。（BB似邊個？）爸爸。」陣痛多個小時的可嵐坦言做母親不容易，她說：「陣痛咗幾個鐘，痛到要握拳同大叫，母親真係偉大。」
此外，剛榮升第二任爸爸的譚耀文，坦言不想打擾傳媒才未有即時公布喜訊，他透露已為愛女改了英文名Tamia：「普通話發音係甜蜜。」