麥浚龍傾唔掂數與Janine玩完

麥浚龍與戴庚玲（Janine）去年六月高調宣布拍拖，經常出雙入對愛得癡纏如膠似漆，不時被傳媒拍到行街睇戲，這段港產雙J戀一直被人睇好。二人拍拖不久，Janine更被目擊出入「龍宅」，有指二人火速同居，Janine「龍嫂」地位可謂穩如泰山。

與蒼井空傳緋聞

可惜事隔約九個月，二人敵不過時間洗禮，最終分手收場，有消息指Juno電影工作上不時與女星傳出緋聞，乃分手原因之一。在電影《復仇者之死》中，Juno與蒼井空合作，有稱Juno以港式雞蛋仔討日本AV女優的歡心，撻着之說不脛而走；其後Juno於電影《小雙俠》中與鄧麗欣合作，二人片場經常出雙入對，相反正印女友卻難見男友一面，更令Janine感覺不是味兒。據知，二人曾為事件坐低溝通取得共識，令雙J戀露出曙光。

可是Juno正處於事業搏殺期，工作安排得密密麻麻，每天不是片場拍戲，便是在錄音室錄歌，加上女友亦有模特兒工作，聚少離多的問題始終無法解決，感情由濃轉淡，儘管二人曾作最後努力，再度談判圖解決分歧，然而根本的問題始終是無法分配得拍拖時間，那是在現階段無法妥協的難題，與其拖拖拉拉，倒不如乾乾脆脆，Juno與Janine最終談判失敗，分手收場。

Juno：與他人無關

記者聯絡上Juno，電話中他承認與Janine分開了，他說：「大家喺和平氣氛之下分手，大家仲係好朋友。多謝大家關心。（你緋聞太多？）同其他人無關。」而Janine對於記者致電查詢分手時表現愕然，數秒後才說：「你哋問Juno啦，我冇嘢回應，唔好意思，我依家唔得閒，有機會再講。」隨即禮貌地收線。

文：影視組