娜姐疑嗒仔 男友開殺戒
周秀娜近日傳出跟化妝師撻着，令髮型師男友陳偉成（Avis）打破醋埕於微博開火謾罵，是非情侶昨日分別出席活動，Avis自信爆棚說：「挑戰我者死！」而娜姐亦大派定心丸稱只愛大胸男友。
娜姐跟男友Avis拍拖四年多以來一向形影不離，近日傳出娜姐跟化妝師Johnathan暗中「撻着」，令Avis難忍醋意於微博開火狂鬧。
42吋胸肌殺晒
Avis昨日為Puma行騷，示範最新一季的春裝，對於女友被追求，他否認說：「冇人夠膽挑戰我，挑戰我者死，（撒手鐧？）憑我42吋胸肌，化妝師冇追佢，只係工作上嘅夥伴，唔好再亂寫喇，佢兩個仲會成日見，咁樣會好尷尬，（化妝師可能暗戀娜姐？）全香港有九百幾人暗戀佢啦！」Avis表示跟娜姐拍拖多年，早已建立互信關係，提到他前日於微博鬧人不自量力，他說：「我間Salon發生咗少少問題，加上有個朋友患癌病差不多要離開，一時情緒發洩啫，牽連唔到其他人。」
化妝師冇蒲頭
另一方面，娜姐昨晚為電視節目《華麗明星賽》錄影，出席藝人有陳敏之、草蜢、黃宗澤、謝天華等，娜姐的化妝師Johnathan未有現身。對於男友醋意大發於微博開火，她表示：「唔會啦，佢咁寫係講公司事，唔係話緊化妝師！」問到她跟化妝師的關係，娜姐笑言：「係搞都唔搞身邊人啦，可唔可以畀啲勁啲嘅我呀？總之我只鍾意大胸男友！」
採訪：音樂組、影視組