Mandy劃清界線同李澤楷唔係朋友
名模Mandy Lieu與陳豪出席「Sony全新Handycam及Cyber-shot系列產品發布會」，與李澤楷（Richard）傳出緋聞的Mandy當然成為傳媒追訪的焦點，她否認與老闆Richard的緋聞，並表示與前男友陳柏霖分手後一直單身。
問到她是否認識Richard？她說：「每個人都識李生，但係喺personal level唔係朋友，冇一齊食過飯。（個SMS係咪你send？）唔係，嗰個Mandy唔係我。（如果Richard追求會唔會接受？）唔知道，如果係會同大家講，但真係唔係。（Richard為人點？）personal好少接觸，之前公司annual dinner都因為有嘢做，冇去到。（Richard畀好多機會你？）我同now合作咗兩年，我做得OK嘅。」
感情隨緣不強求
而有報道指她與Richard手拖手同遊日本，她澄清：「我嗰時真係喺日本拍節目，呢半年好少喺香港。（Richard去探班？）唔係。」她表示與梁洛施（Isabella）並不認識，對此緋聞感到十分意外；同時，她亦不知道陳柏霖曾與Isabella傳緋聞。問到她有沒有想過自己像Isabella一樣成為灰姑娘童話？她回應：「感情唔會特別去諗，隨緣啦。事業同感情我都唔會要求自己幾時要做啲乜，最緊要開心。」
到傍晚時分，Richard發出聲明指連日來報道所涉及的第三者名字，全屬他從未謀面的人士。本報就此事致電Mandy，問她是否感到甩難？她說：「當我知道呢件事嘅時候都好shock，但係呢件事對我嚟講冇影響，我繼續我嘅工作，冇乜特別嘢要再講。」
正飽受牙痛之苦的陳柏霖昨晚更新微博，上載與好友的半蒙面照，前緋聞女友Isabella與舊愛Mandy Lieu成為近日焦點人物的他說：「如侶柏冰」，未知是否為抒發心情大玩食字暗示「如履薄冰」？