荷爾芭莉剪裙艷冠紅地氈

今年一眾女星一反近幾年的「素色頹着風」，以鮮紅、金銀及粉色系列現身！珍妮花赫遜、美娜古妮絲分別以紅色及紫色行紅地氈，而近期官司纏身的荷爾芭莉，以一襲米色拖尾長裙得到一眾網民支持，成為今年着得最好的女影星！

反之穩陣的黑白色晚裝卻非常少見，甚至隨時「出事」，妮歌潔曼一身低胸白色長裙以為可以穩守突擊，卻被網友笑指她的造型如「撞車Look」！而慧絲溫達絲般一個All Back頭襯黑長裙，被指着得老成。

荷爾芭莉Marchesa拖尾長裙

何國鉦：「每年都唔會失手，今次佢着Marchesa就令人眼前一亮，感覺好see through；照我睇，呢件裙應該係畀高啲嘅人着，明顯將佢剪短咗，將件裙嘅比例搞到唔靚，如果佢再高番幾吋就會更靚。」

姬蒂班查

何國鉦：「呢件Givenchy Haute Couture好襯佢，最特別袖口嘅設計，好有太空感，一般女星都鍾意着低胸裝，佢呢身打扮反而好有特色。」

妮歌潔曼

何國鉦：「妮歌向來鍾意低胸裝，呢身Dior晚裝屬穩陣派，但今次佢過分保守咗。」

海倫娜寶咸卡特

何國鉦：「呢件服裝係Colleen Atwood設計嘅，睇完唔知佢想點，好似瘋婦咁，九唔搭八，整體感覺又肥又矮。」

文：外娛組、名人組

（美聯社、法新社）