琦琦為求飄逸吹到病

琦琦早前為德國時裝品牌Hauber拍攝最新春夏平面廣告，以清新夏日裝扮示人，十分飄逸。今次已是琦琦第二季為品牌拍廣告硬照，由於在香港的影樓拍攝，加上不需要換太多形象，所以只用了一日時間便完成，十分輕鬆，可惜因天氣太冷，她最後亦不支病倒。

咳足兩個月

拍廣告時正值寒冬，為營造夏日清新的氣息，琦琦要着上春夏服飾，倣效在海灘上取景，現場還有兩把大風扇勁吹，以求秀髮飄逸的效果，琦琦說：「今個冬天好凍，我病咗好耐，咳到我死，咳足兩個幾月，我朋友話係百日咳，加上今次影相可能又畀風扇吹住，最後又病咗。」

琦琦不愧為名模，展示新裝駕輕就熟。

放大圖片

開心任揀衫

帶病上陣的琦琦，盡顯專業精神，全冇半句怨言，還說開心輕鬆便完成任務：「今次唔使有太多造型，只係梳直頭髮拍攝就OK。」談及酬勞，琦琦說：「合理開心價，最開心係老闆將今次系列嘅衫都送畀我，任我揀。今次品牌代理商係我嘅朋友，我同佢哋關係好好，雖然影到病咗，但見到啲相咁靚，都覺得好值得。」

文：名人組