名模不屑做灰姑娘
李澤楷突然被傳和名模Mandy Lieu拍拖，不少名模對此傳聞都抱懷疑態度，並異口同聲說從不恨做「灰姑娘」！
莊思敏：吓！可信性好低喎！笑話一則！又冇相又冇任何證據！（恨做灰姑娘？）諗深一層真係好冇保障，都唔想靠人先去到高位。
林莉：我冇諗過做灰姑娘，我向來想要簡單嘅愛情，世界同圈子唔同，就會階級尊卑有異，之間一定有距離，好難溝通。
Lisa S.： 已超過半年沒跟Mandy見面，故全不知情，Mandy係一個好重視私隱嘅人，我哋淨係傾工作上嘅事，感情事一概不提。
楊汀叮：聽到消息都好愕然，啱啱話分手，跟住又傳另一個，但係當事人都否認啦！我唔鍾意做灰姑娘，感情有物質成分，就好冇安全感。
姚予晴：當事人都否認咗啦，灰姑娘只係童話故事裏面先有，我情願靠自己。
傅嘉莉：我諗唔係拍拖啩，Mandy咁多人追，我諗佢唔會差隻腳落去佢哋度囉。我揀男友係睇才華同感覺，唔會發夢做灰姑娘！
