黃秋生放風 梁洛施暫不返港
梁洛施與李澤楷分手，引發外間諸多揣測，唯一與契女梁洛施接觸過的黃秋生透露，契女短期內不會返港。他說：「梗係唔會返嚟，博畀人影相呀？（有傳李澤楷同Mandy Lieu拍拖？）傳言我唔理，作為朋友唔應該喺別人感情上加意見，唔會煩住晒，只會盡量安慰。」有指梁洛施有機會復出拍戲，秋生直言會支持對方每一個決定：「我想套用張堅庭一句好優美嘅說話：『佢係屬於觀眾！』無論點我都支持，但覺得好多人發緊夢，十個着九個都唔係真正識欣賞佢才華，只係諗住執金，搵到佢做女主角就發達。」
另外，梁洛施的師傅詹瑞文表態支持對方復出，他說：「佢好有潛質，如果真係重返娛樂圈，我第一個搵佢拍戲。」有傳分手費達三十億，他說：「一個人邊使得咁多，唔信係真。其實我哋從來唔講感情事，一直覺得佢處於幸福狀態，現在家庭出現大轉變，對任何人都有影響。」
