古仔唔知李澤楷掟煲
古天樂前日一臉鬚根出席《竊聽風雲2》發布會。當被追問有傳他與李澤楷好友關係一事，古仔笑說：「唔係事實嘅嘢我唔回應。」由於正在趕戲關係，他表示對李澤楷與梁洛施分手毫不知情，聞言更一臉錯愕說：「局外人都係畀少啲評論，要尊重人哋嘅私隱。（影響咗三位小朋友？）相信佢哋兩個有溝通，如果有乜事，法庭都會有裁決，總之尊重番佢哋啦。」
腳傷雖痊愈半年，但古仔自爆日前拍攝一場追逐戲後，竟連站立也覺得痛，而拍揸車戲時，更一度差點撞車，故他自言不再逞強，日後發現不適會即與導演溝通，以免再弄傷舊患「手尾長」。