GiGi被嘲蝸牛換伊麵
梁詠琪（GiGi）前晚在紅館舉行首場演唱會，邀得好友擔任嘉賓，GiGi被對方取笑經常轉口味，食完「中國伊麵」後轉軚食「法國蝸牛」！
GiGi前晚在紅館為一連兩場的「香港G夜」巡迴演唱會揭幕，外籍男友Matthew到場支持，而舊愛鄭伊健亦送上花籃祝賀，GiGi在台上大談感情世界，更獻唱《煙花三月》予前男友們：「送畀過咗去嗰啲啦！」
比喻非洲長頸鹿
GiGi又比喻自己是非洲長頸鹿：「啲人覺得咁高就好Tough，其實我同非洲長頸鹿一樣咁細膽，一嚇就走，我覺得我哋都應該列入受保護動物！」她表示女人都只是在等待一個管理員，全天候照顧自己的保安：「做女人好簡單，都係想搵個男人依靠吓、攬吓，我對將來非常有希望！」
她又邀得許志安前女友擔任嘉賓，合唱《不要驚動愛情》時全場反應熱烈，她更大玩GiGi的戀情：「我睇住你由香港，擴大版圖去到台灣同大陸，睇住你食『中國伊麵』轉去食『法國蝸牛』，你出年會唔會食埋『日本拉麵』架？」曾自言Dry爆的她更要GiGi教路，被寸的GiGi醒目反擊謂：「你都唔錯呀，食嚟食去都係嗰個！」
GiGi感謝媽媽的支持，鬼馬地背住男友坐的方向說：「媽咪我唔知你坐邊，不過I Love You！我對住嗰邊（指男友的方向）講I Love You就畀人話架啦！」此外，前晚的座上客杜汶澤於微博上載一張Matthew的照片，並表示「浪漫G夜」。
文：音樂組