超雲未夾口供博晒浪漫
賭王何鴻燊雖然仍留院休養，但仍沒阻其三房千金何超雲的慶生雅興，但前晚其緋聞男友周柏豪不但沒現身女方的生日飯局，昨日更在傳媒前自稱唔知超雲生日；奇怪是超雲前晚率先自爆柏豪已預先送上祝福，二人明顯未夾口供！
昨日（廿七日）是何超雲廿二歲生辰，三太陳婉珍前晚為愛女超雲在銅鑼灣新會道的《飯堂》舉行生日飯局，雖然今次的生日飯局人少少，只有超雲幾名友人及三太出席，但超雲依然表現開心，並收到母親送她一隻數十萬的「Carnet」黃鑽戒指。不過其緋聞男友周柏豪整晚未有現身，問超雲有否收到柏豪的生日禮物時，超雲搖頭示意沒有，不過她說：「有同我講生日快樂！」接近兩小時的飯局大約十時結束，超雲由友人陪同下往澳門繼續慶生活動：「去同朋友飲嘢！」
狂歡過後，昨日超雲又在微博上載了九十九支玫瑰及情侶小熊心形蛋糕，蛋糕上的女小熊寫有超雲的英文名Florinda縮寫「F」，男小熊則寫上一個英文字「J」，超雲更透露心聲：「這一生最喜歡而又最感動的一束花！」又說：「歷年來最愛的一個蛋糕。」
換黑色晚裝出場
而周柏豪昨日出席活動時被問到超雲生日即「影帝上身」說：「真係唔知喎，作為朋友，有機會會Send個短訊祝佢生日快樂！」柏豪自言沒時間買禮物予超雲：「有機會先啦！」提到超雲於微博中自爆收花勁冧，他說：「咁咪好囉，送花者一定唔係我啦！（覺得甩難？）由頭到尾都唔覺係『難』，工作上難免有緋聞，依家完結咗就可以少啲講啦！」此外，昨晚超雲在微博貼上黑色晚裝照，更留言感謝好友的祝福，似乎又有慶祝活動！
文：名人組、追蹤組、音樂組