父親急病入院 杜如風一夕長大
旅遊達人杜如風（Helen）好友何超儀受家族分產風波困擾，雖有前電影公司高層老竇杜惠東「照顧」，Helen卻自認比超儀幸福：「佢背負個名一世，要擺脫億萬千金小姐好難，成班朋友都Proud Of佢唔靠老竇，攞到國際性嘅西班牙影后，好感動。」
Helen父親急病入院令她頓悟，肩負養家重責：「依家唔係大花筒。（樂於照顧父親？）焗住要還，一粒女歎咗咁耐，父母老喇，有生老病死，原來世界上冇免費午餐。」
不過，Helen到倫敦拍攝節目時依然瘋行，大買特買：「最過分嘅行為係喺歌劇院出面着晒紅衫同鳳冠唱《帝女花》，啲人見到套衫已經呆咗。（瘋買？）最大得着係攞到好多靚衫返嚟，買到件Christian Dior 1960年古着褸，900美元（約7,000港元），係咁多樣嘢中最貴，但香港冇可能搵到。」