Ana R.溝法仔唔使用口

昨日名模Ana R.與師妹Jessica C.一同出現中環IFC逛街,其中Ana透露下周將會到巴黎遊玩,笑言希望有艷遇,搵番個法籍男友,問她懂不懂法文?她即笑說:「唔識,不過愛唔需要用言語去溝通。」她又謂農曆新年沒有與好友Lisa S.會面,但首年派利是的Lisa卻很識做,特別預留了一封大利是給她。

Jessica被問到今年會否再推出噴血寫真?她就斬釘截鐵地說:「唔會,如果我再拍寫真,係希望有特別的回憶才拍,而唔係為咗爭妍鬥麗。」而在旁的Ana就插嘴說:「出寫真變成好似一個遊戲咁,但呢個遊戲已經唔好玩。」Jessica又謂今年會偏重於電影工作,希望多些新嘗試。